鄧麗欣（Stephy）說過與方力申合演太多次情侶，感到生厭，渴望有新對象，終於給她逮着機會了，就是在電影《撲克王》中與古天樂合演情侶，新鮮感覺絕對美好，雖然親熱戲欠奉，最親密的接觸僅是拖拖手，但已令Stephy有觸電感覺。
鄧麗欣早前與電影圈型男古天樂合作拍攝新片《撲克王》，劇情講述Stephy去賭場碰運氣，因而遇上古仔，從而發生感情。兩人初次合作，令Stephy戰戰兢兢。
坦言有初戀感覺
Stephy日前說：「古仔係一個成熟型男人，因為冇合作過，所以好緊張，唔知大家夾唔夾到，可唔可以應付到佢啲笑料。拍咗幾日戲，相處順利，我哋有感情戲，我覺得係初戀嘅感覺，好純潔，最親密都係拖手、攬一下，呢種感情幾有型，好sweet，古仔令我有觸電嘅感覺。」
相比方力申，Stephy與古仔的合作情況大不同，Stephy說：「同小方太耐太熟識，一切都係預計之中，睇出嚟好舒服。古仔令我觸電，首先當然係佢靚仔，同埋個角色，唔一定要有好親密嘅接觸，反而一段距離感，令人有更多幻想空間。我鍾意佢嘅角色同性格，現實中有男仔係咁都幾吸引，成熟之餘又有可愛嘅一面。」
現實中，若深愛的對象是個賭徒又如何？Stephy斷言絕不會愛上只愛賭錢的男人，她說：「我本身唔鍾意賭錢，玩吓就OK，當娛樂可以接受，沉迷當然唔得。」
憾與青雲少交流
夥拍古仔雖然令Stephy興奮，但與偶像劉青雲的對手戲卻少之有少，令她感到遺憾。Stephy表示一直仰慕劉青雲，可惜是大家鮮有交流機會，惟期待下一次機會吧！
採訪：魯萍 攝影：林德雄
髮型：IlColpo 化妝：CyrusofBeautytech
服裝：K2 場地：凡高廚房