陳潔靈、葉麗儀和肥媽前晚順利完成兩場紅館騷，慶功宴上三人均感動落淚，肥媽和葉麗儀即場多謝在座的老公。陳潔靈亦多謝亡夫留給她樂觀的人生觀，令她堅強生活下去。
陳潔靈、肥媽瑪莉亞和葉麗儀一連兩場的「三個女人一個墟演唱會」前晚在紅館順利完成，之後三位主角到紅磡一酒店出席慶功宴，肥媽及葉麗儀的老公均有現身。當三個女人在台上切蛋糕時已忍不住落淚，接着肥媽及葉麗儀即席多謝老公。
陳潔靈感謝亡夫張耀榮，她淚流滿面說：「佢畀咗好好嘅人生承諾畀我，令我堅強咁企喺度。」問陳潔靈是否已平復喪夫之痛？她說：「我已接受成個過程，係面對、處理同放下，家係處理階段，目前好掛住佢，但我會樂觀咁走落去。」
葉麗儀表示尾場相當感觸，她透露當陳潔靈唱《把悲傷留給自己》時已忍不住落淚。她透露原來她們三個老公先後患病，所以感覺特別悲傷，幸好大家互相扶持，陳潔靈苦笑說：「一個張耀榮走咗，另一個張耀榮就幫我搞演唱會。」
葉麗儀賀62歲
昨日是葉麗儀62歲生日，前晚各人送上蛋糕為她慶祝，她表示會和老公食飯慶祝，願望只想他可完全康復，葉麗儀說：「佢腰骨碎咗，又傷到神經，要做物理治療同針灸。」她表示會留在香港多一個月，等第二個孫出世便返澳洲一家團聚。
採訪：藍文浩
攝影：彭琮然
