劇集《靚太唔易做》（DesperateHousewives）女星伊娃隆歌莉亞（EvaLongoria），最近與NBA球星丈夫柏加（TonyParker）一起拍廣告搵真銀，為時裝品牌LondonFog擔任代言人，伊娃更博到盡，在廣告中以半裸姿態示人，貼實丈夫大晒滑溜玉背。
負責製作今次廣告的品牌代表指伊娃與柏加十分恩愛，鏡頭輕易捕捉到二人浪漫的交流，而伊娃對照片效果十分滿意，更要求攝影師送她一張放在家中留念。
《靚太》新一季有傷亡
另外，《靚太唔易做》正在拍攝最新一季，當中會有飛機失事撞落主角屋苑的劇情，日前記者影到瓦礫遍地的佈景，據悉會有重要角色在該幕戲中身亡。