陳慧琳（Kelly）的乖仔劉昇（Chace）日前滿100日，本月2號又是她和老公的結婚周年，喜事重重。有鑑於早前在家中湊BB被偷拍，Kelly表示已拉上所有窗簾，又於門外加電閘，可以自由在家餵人奶。
昨日陳慧琳到尖沙嘴出席新婚生活易大賞2009頒獎典禮，穿上JimmyChoo×H&M新裝示人的她本月2日與老公Alex度過第一個結婚紀念日，她透露未有特別慶祝，只是兩人留在家中弄兒為樂，她又表示未有收到老公送的禮物，Kelly笑說愛兒劉昇已經是送給老公的最好禮物。
兒子聞歌起舞
早前Kelly在家中湊BB被偷拍，她現要將窗簾拉上，門外加鐵欄，令他們好像坐監，她又抵死地說：「係冇私隱，好彩我冇喺出面餵人奶啫，咁喺屋企邊度餵都得啦，但我又唔會喺花園餵，冇晒形象。總之唔好再嚟影我，因為我屋企裝咗電閘，一掂到，差人嚟我就知有記者，而且都好危險。」
囝囝早前滿100日，Kelly坦言現時出外工作已經適應很多，未有如當初般心掛掛，她又自爆昨日播自己的快歌給Chace聽，他即時表現遺傳媽咪的音樂天份，聞歌起舞，Kelly興奮地說：「之前我播Beyonce嘅歌，佢冇反應，今次一口氣播我三首快歌，好似《花花宇宙》呀，可能我啲歌簡單有節奏，佢即刻手舞足蹈係咁郁，仲moonwalk，搞到我要抱實佢，我仲笑足全場，佢跳足成10分鐘，一跳完，飲奶就好攰瞓咗。」不過Kelly表示暫時未有廣告商接洽愛兒拍廣告，如果有她也不介意，但要先問老公意見。
採訪：駱華齡
攝影：葉君海
