余文樂近日片約亨通，除趕拍新片《談戀愛》，年底前還需接拍三片，由他主演的《同門》票房又不俗，至今已收近300萬。日前余媽媽牛一，他工作有表現，已是送給母親的最好生日禮物。
當日阿樂舉家到酒樓晚膳，向來孝順的他特意準備壽包冧媽咪，問他有否送禮？他笑說：「送咗隻錶畀佢，上年送咗一層樓，其實媽咪冇要求，係我想佢開心啲，同埋妹妹喺英國讀書，啱啱放假返嚟，一家人難得齊腳食飯，所以都好開心。」提到《同門》反應理想，問阿樂會否覺得一洗票房毒藥污名？他笑說：「好多朋友戥我開心，終於唔使俾人話。」
千嬅帶病開工
此外，彭浩翔執導的新片《談戀愛》昨日在尖沙嘴開工，帶病上陣的楊千嬅聯同余文樂、方皓玟等為該片趕拍進入最後階段，昨日拍攝劇情交代眾人在街頭後巷聊天，一臉倦容的千嬅說：「拍完呢部，之後要趕《財神到》開戲，阿樂亦要趕拍第二部，呢部要趕住煞科，所以家感冒都要趕戲。」
採訪：丁寧