馮仁昭四圍超：下月出閣滿腹密圈　Suki為姊妹團做媒 - 馮仁昭

準新娘徐淑敏（Suki）同莊思敏噚日以公仔Blythe造型喺尖沙嘴出席「Blythe8週年Fashion狂熱展覽」，已經有咗3個幾月身孕嘅Suki話體重增加咗10幾磅，上圍都大咗，不過佢話冇刻意量度，淨係話比正常大啲。至於究竟BB係仔定女，Suki下星期做檢查就會揭曉，佢話：「我同老公都比較鍾意囡囡，不過要到下星期先知。」

頭痛賓客名單

下個月Suki就同未婚夫Kenny舉行婚宴，由於要分男女家兩日設宴，女家設宴只會邀請父母嘅親友，男家擺酒當晚先會請佢嘅藝員同事，不過由於座位有限，只可以請3至4圍朋友，Suki家正係頭痛緊要精簡賓客名單。
Suki話：「淨係伴娘都霸咗一大半，沈卓盈、呂慧儀同馬賽會做伴娘，姊妹有周美欣、齊芷瑤、姚子羚，到時有幾多姊妹，就要睇吓有幾多兄弟，之後再配合。」出席嘅兄弟個個都有番咁上下條件，Suki話如果姊妹有需要，佢會幫手拉紅線做媒人。