肥姐沈殿霞已離世一段時間，不過觀眾對她的鬼馬演出仍念念不忘，肥姐愛女鄭欣宜在新戲《72家租客》中親自扮演媽咪當年飾演的上海婆角色，造型維肖維妙。張學友則六叔邵逸夫上身，率領眾演員在車前大擺甫士，架勢十足。
繼電影《LaughingGor之變節》獲得佳績後，邵氏和無綫乘勢再度拍攝新戲《72家租客》，劇本人物皆以當年經典作品《七十二家房客》為藍本。身為監製的曾志偉昨日率領一眾演員在將軍澳電視廣播城出席開鏡拜神儀式，當中包括有張學友、袁詠儀（靚靚）、林峯、鍾嘉欣、佘詩曼與鄭欣宜等，場面熱鬧。
留意小動作語氣
欣宜扮演當年肥姐沈殿霞飾演的上海婆角色，以一頭鬈髮及黑框眼鏡出現，驟眼望上去的確甚有肥姐當年的影子。欣宜坦言接到這角色興奮但又失落，她說：「我初初以為只係過鏡，點知係有個角色，不過始終只係得一個肥姐。」欣宜表示有看媽咪當年的演出，留意她的小動作和語氣。
由於電影講述不同年代，Bosco和鍾嘉欣則扮演學友和靚靚的仔女。
學友笑談高片酬
學友在戲中鬥贏志偉娶到靚靚，志偉介紹他出場時笑說：「學友做番自己一樣咁賤格。」大合照時學友率眾人以六叔當年的合照在車前擺出相近甫士，相當架勢。問到學友片酬是否佔了該片大部份的製作費？學友笑說：「又係咁，冇乜特別，照舊，係好耐之前嘅價。」
此外扮演包租婆的阿佘以一身旗袍look出現，上圍明顯豐滿，她坦言有加墊令上圍升級。
採訪：王崇穎
攝影：陳順禎