第一視頻（082）話搞手機買福利彩票「時時彩」講咗一排，前排收購完手機遊戲同增值服務開發商DragonJoyce（下稱DJ），令到成件事感覺上非常實在，第一視頻主席張力軍噚日就帶住佢嘅團隊嚟香港，同傳媒、分析員講解吓成件事究竟有幾掂。
越沒錢越想發財
簡單嚟講，就係佢哋已經覆蓋唔少低端手機（DJ有成300幾個中國品牌手機拍檔），稍後仲會同內地三大營運商及某個知名大牌手機結盟，將佢哋個購彩軟件裝埋落去啲3G手機度，今個月尾仲會賣埋體育彩票。
咁點解第一視頻要做低端手機市場先呢？
張總話，「越是沒錢的人就越想發財，兩塊錢博500萬是每一個人的夢想」；呢啲低端用戶多數係農民、民工等，可以話山大斬埋有柴，所以佢都話「其實是為彩票找對了市場」。