胡杏兒、蔡卓妍（阿Sa）和張敬軒前晚在將軍澳電視廣播城錄影《勁歌金曲》。胡杏兒一身黑色透視裝，在閃燈下透現黑Bra，成為全場焦點。阿Sa則呻工作太忙碌導致助手請辭，要借用鍾欣桐的助手。
胡杏兒前晚到將軍澳電視廣播城錄影《勁歌金曲》，擔任嘉賓主持，她以一身黑色衫褲示人，拍照時於閃光燈下透現黑bra，她說：「我喺屋企check晒冇走光，就係冇check閃燈下會咁透。」
否認自薦黐宗澤
對於有指胡杏兒自薦於《72家租客》與男友黃宗澤（Bosco）飾演一對，她表示：「我冇自薦，所有工作都係由公司安排，可能件事關Bosco事先扯埋落水，希望唔好再有下文。」
阿Sa早前因工作太忙而病倒，她曾向公司反映，不過情況未有改善，就連她的助手也因工作太多而請辭，阿Sa說：「公司叫我完成手頭上工作先，我家叫助手放兩個月假，暫時用住阿嬌（鍾欣桐）個助手先。」阿Sa表示與助手感情要好，故曾向公司提出加人工，她說：「因為工作實在太多啦，我個助手都搞到身體唔好，但係佢由我出道已經跟我，我希望佢可以留低，家畀佢放吓假，好好調理好身體先。」她又透露近日經常返內地工作，每天工作十幾小時，令她吃不消。
另外，有指張敬軒近日為同性好友關智斌（Kenny）搭路於內地接洽工作，令他與張致恆有機會重組Boy'z。
軒仔嘆自身難保
軒仔說：「我唔知喺邊度傳呢個消息出嚟，我冇介紹工作畀佢，只係介紹內地傳媒畀Kenny識，因為自己喺內地工作都有7、8年。我都想有人幫我搭路呀，今年啲工作都少咗好多，真係泥菩薩過江，自身難保。」
採訪：何慧斯 攝影：陳俊強
