好多企業都會花一筆錢搞形象宣傳，但如果能夠同公益事業聯繫埋一齊，就一舉兩得。稻香（573）近日就花費20萬元，為一批公公婆婆弱勢社群人士補辦喜酒。
據稻香行政總裁梁耀進介紹，前日佢哋旗下嘅旺角迎囍大酒樓，贊助香港明愛主辦嘅「明愛迎囍良緣宴」慈善活動，接待近50對公公婆婆補擺喜酌。稻香負責出場地同酒菜，價值約20萬元。
至於稻香業務表現，佢話第三季同第二季嘅表現差唔多，中港業務保持平穩，但希望全年業績能維持上半年嘅增速。下半年計劃新開嘅5間分店，至今已開咗3間。早前黃金周，佢話自由行客按年少近5%，可能因假期長，有更多自由行客遠遊嘅關係。