黃聖依噚日到銅鑼灣宣傳手錶品牌，雖然佢已經戴咗一隻20幾萬嘅名錶喺手，但竟然遲到40分鐘，不過佢好委屈咁同記者講，佢一早喺度等，係大會冇安排佢出場咋，所以絕對唔係佢遲到。之後黃聖依接受訪問時講到最近大計話：「年底會去美國拍一部西片，明年初就同香港演員演一部古裝。」黃聖依話一直都有苦練英文，所以唔擔心溝通問題。