前晚富國銀行公佈業績之後，花旗股市造好，因為業績好好，不過喺收市前有分析員質疑富國業績，仲建議調低投資評級，搞到花旗股市收市前插水，跌穿10000關收市。
港股噚日被拖低107點，不過國內嘅經濟數據咁好，有祖國照住，港股後市仍然可以睇好，不妨實內房股。
潤地C輪17197：華潤置地（1109）昨收20.10元，逆市升0.5%。潤地呢幾日走勢好強，有分析員睇佢可入恒指成份股，如果基金買盤多，股價有機炒上22.50元，可以諗吓隻C輪17197。
隻輪現價28.5仙，2010年1月28日到期，行使價18.53元，溢價6.3%，引伸波幅48.7%，有效槓桿4.7倍，正股升上22.50元，17197睇46.4仙，如果正股跌穿19.20元，就沽咗隻輪止蝕。
俊樺