【澳門直擊】寇鴻萍和圈中人甄子丹夫婦、陳淑蘭、任葆琳等開設的Fevar酒吧，開業兩年來是非不斷。蘭子昨日代密友利承武出頭，公開數寇鴻萍賬目不清，推搪失蹤，更多次連名帶姓稱呼寇鴻萍，斷絕契姊妹情。
寇鴻萍和汪詩詩、任葆琳、利承武等前年在蘭桂坊開設Fevar酒吧，今年屢次傳出大股東寇鴻萍賺錢但不分錢給其他股東，招來不滿，汪詩詩與寇鴻萍契妹陳淑蘭早前接受訪問直認其事。
「冇做佢契妹好耐」
昨日蘭子在澳門出席新濠天地的時尚活動，同場還有由Rosemary示範不同造型，又有「翻版關之琳」Jocelyn和老公在Chanel專門店示範百萬限量腕錶。蘭子一提起Fevar就勞氣，句句有骨寸爆寇鴻萍說：「我唔方便講，我哋乜都唔知，冇人知係點喎。」她澄清自己不是股東，只是開幕初期代利承武出面。寇鴻萍之前表示酒吧到期後會結業，向蘭子求證時，她說：「唔方便講，任何一個人，講少少嘢，寇鴻萍都好大反應，我哋尊重大股東，等佢返嚟先。」
問蘭子是否只分過一次錢，她說：「唔係為錢，而係想知道Fevar事實搞成點。」記者指她可向契姐問清楚，蘭子即大反應說：「我冇做佢契妹好耐喇！我哋係基督教班嘅姊妹，好少來往。」
蘭子禁不住暗寸對方失蹤，她說：「佢係好能幹，百足咁多爪，我哋啲股東各自都搵唔到佢o架，我哋私下有開過會，Andrew（其中一個股東）話尋求法律意見。」會否當買個教訓，她說：「未坐低傾，人同人之間要溝通，我哋講嘅係事實，我私下都有同Pauline（任葆琳）傾，大家都好擔心，問到結業都唔知點回應記者。」
「朋友最緊要溝通」
蘭子指利承武感到失望，特別是錢銀數目不清，她說：「成班朋友唔介意賺定蝕，朋友最緊要溝通，佢（指利承武）係生意人，數字同金額要清晰，詩詩都覺得溝通得唔舒服。」問她們可會退股，她欲言又止說：「文件上好複雜。」
採訪、攝影：梁錦雯