【本報訊】東區醫院昨日起一連三日舉行就業博覽，為精神病康復者提供就業資訊，現場更設有模擬面試，為康復者備戰。有精神科專科醫生提醒有專業背景的康復者調節心態，一步一步尋找合意工作。
專業人士康復障礙大
曾患抑鬱症及情緒病的劉菲，本身有中三學歷，患病後三、四年未有工作，早前透過利民會覓得清潔工職位，「未有嘢做嗰時覺得世界好灰暗，人人都好似睇唔起自己，想多姿多采都唔得，家雖然唔係搵得多，但可以唔使屋企人負擔，又可以做義工，同個社會無咁脫節。」她的僱主大讚她誠實可靠。
該院精神科醫生楊位爽表示，精神病無分疆界，病人中不乏律師、會計師甚至醫生，「佢哋康復後個障礙會大啲，放唔低以前嘅高薪厚職，仲可能係因為個病令佢做嘢變得鹵莽，投資失誤，破咗產，好番之後仲要收拾呢啲爛攤子，唔係咁容易。」
博覽會上午10時至下午4時在東區醫院東座地下禮堂舉行，除就業諮詢，更有專題講座。