按揭證券公司與10家銀行，推出多種定息按揭計劃，呢件事表面睇係畀樓市用家多一點選擇，但換個角度諗，唔通明年通脹開始殺到，利率上升速度會好快？有關機構搞得呢類動作，估計係睇利率向上居多，今次行動，莫非係未雨綢繆？
目標價3.5元
港股昨日高位反覆，地產股仍是大市焦點，其中專注港滬地產市場的嘉華國際（173），可謂食正資產膨脹大時代之勢，事關港滬兩地樓價日日向上。該集團今個月開始推售嘉御山及上海慧芝湖花園二期，在目前氣氛下有貨賣，梗係易賣得好價。
另外，嘉國拆售家族旗下大角嘴必發道工廈樓花項目，並已命名為「Solo」。上述兩大因素料將成為股價催化劑，該股昨日成交量增至1670萬股，股價曾升見2.84元，平收2.77元，料爆升在即，可追入，目標3.50元。
方星俠