「元朗教父」戴權近年十分低調，噚日鄉議局例會卻罕有現身。權叔久休復出，當然唔係嚟飲杯茶同鄉紳父老打招呼咁簡單，事關鄉議局破天荒歷史性頒發一個長期服務獎狀畀權叔，表揚權叔服務鄉議局逾30年，造福新界人。
另一個獲獎嘅係薛浩然，佢長期擔任鄉議局成員，又係發叔妹夫，獲獎冇乜人有意見，咁奀豬嘅「老人牌」，唔會有人質疑發叔利益輸送嘅。特區求其頒發勳章令榮譽貶值，鄉議局兩個服務獎真金白銀訂製，每個值三千幾蚊。薛浩然話平常心對待獲獎，因為有冇呢個獎，都會幫鄉民做嘢。噚日頒獎儀式，美中不足係發叔不在場，因為佢去咗菜園村。