前晚本早睡，但輾轉反側，結果都係無奈起身睇吓英超中下游大戰，但隻冇牙「老虎」侯城嘅表現咁垃圾，實在為上季中曾撰文讚領隊菲爾布朗感到有點尷尬；不過喺垃圾堆中唔代表搵唔到食，今天再捧近期小弟甜心日本波，櫻花後到另一日乙強隊湘南比馬。
外界對菲爾布朗嘅批評自上季中後不間斷，小弟本不想再落井下石；但佢哋作客富咸踢四五一，前線出希斯寧基，我睇波球齡唔淺，但都百思不得其解。擺明打穩守突擊博1分，點解仲攬住嗰連蘇超都踢唔掂嘅高大荷蘭老鬼，都唔出美國小兵艾迪杜里放吓。
菲爾布朗玩唔掂侯城
中場3位技術中場基拿斯、史堤夫亨特同祖雲尼類型相似，佢結果成場波佢哋幾乎冇一正式射門，淨吞兩蛋離開，菲爾布朗執住隊幾億班費嘅球隊都唔知玩乜？豪宅都可以起喺堆填區，英超唔係一定好嘅！
講番日乙，近月緊貼軍情，越近埋門爭升班，賽果似對我越得心應手，繼續重點出擊；呢類垃圾波嘅級數同今晚歐聯當然冇得比，但皇馬鬥AC個主W得1.3倍幾，我想賭波要贏，分頭極為重要，垃圾波都有寶藏！上次大注櫻花[-1]得手，今次捧第4嘅湘南比馬氣走第5嘅鳥棲砂岩，後者今場不能和，更有射手夏雲拿復出，但比馬得分點極多，平手盤或主W抵捧！（下次見報日：周六）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期三6湘南比馬（平）（1.73）
星期三6湘南比馬大（1.88）x
星期三9甲府風林勝（1.45）2x1
簡評：鳥棲砂岩爭升班要3分，和波當輸