地產股大龍鳳，有消息指金管局要員會晤銀行高層商討樓市形勢。家陣樓按審批唔算太寬鬆，銀行做生意都係睇人為先；買得起豪宅之內地人唔少一次過畀大筆現金，豪宅價格冇錯係咁升，但呢個泡沫應該點剖析？
大陸人日後來港買樓，可能連中小型樓都搞埋，但其實亦係需求嘅一種。時代已變，香港樓市購買力並非淨係來自香港人，而係多了一批為數暫時唔知幾多嘅內地人。唔靠外力，淨係香港人去炒，香港豪宅都唔會有今日嘅升幅。散戶不妨用客觀事實去睇。
磚頭有價大趨勢已形成，除非政府推出負面政策，或港元幣值有變，否則樓市仍有可為，昨日地產股才大升第一棍，點會咁快玩完？
華人置業（127）升勢稍嫌落後，僅升2.4%，收報14.40元；該股中期業績表現平平，惟派特別息每股0.63元，而且快將除息，料掀起搶息潮，股價可升破年內高位15.54元。
方星俠