煲呔曾份施政報告掀起軒然大波，慳電膽涉及利益輸送，呢一點不在本欄談論範圍，星俠想講係全港市民要睇清事實，以良知去維護社會正義。另一個風波，就係所謂樓價問題。其實，香港樓價近年上升，涉及層面廣闊，其中一個因素係本港資產價格受港元跟隨美元貶值而膨脹，另外，內地人來港買樓亦係樓價上升催化劑。
站在投資角度，任何人都無法與市場力量對抗，只能看清形勢做適當行為，令投資回報跑贏大市。有外資行報告認為，施政報告內容形同唱好樓市，料泡沫將比97年時更大，客觀形勢明顯利好本港地產股，個別資產淨值仍偏低的地產股更有炒賣價值。
四叔女婿鄭啟文掌舵的華大地產（201），中期業績雖下跌75%至5299萬元，但其賣點主要係港島核心區土儲豐厚，每股資產淨值達0.82元。昨股價突破下降軌，現價可買，短炒目標0.18元，跌穿0.10元止蝕。
方星俠