千億新抱徐子淇雖然肩負為老爺四叔添番個男孫嘅使命，但無阻佢馬不停蹄嘅慈善活動。由富豪第二代組成嘅百仁基金，噚日特別發相，話早排基金副主席施榮忻、執行委員湯珈鋮同成員李徐子淇等等，同落馬洲六死車禍慘劇嘅死者家屬食咗餐飯，以示慰問。
百仁基金話，呢單農曆年發生嘅車禍到家就快一年，雖然六位死者嘅家屬開始過新生活，但諗起死去嘅家人，心情仍然好難平復。嚟食呢餐飯嘅四個家庭，包括的士司機同三位紮鐵工人嘅家屬，都感激社會人士對佢哋嘅幫助，只要求政府及早修訂法例，加強對醉酒駕駛司機嘅罰則，亦希望案件早日判決，等佢哋了結心事。