苦心經營10年的深圳創業板將會在本周五開板，首批28家公司同日上市，已公佈招股結果的9家公司，合共凍結資金逾6000億元人民幣。由於反應熱烈，中籤率得0.71%，深交所表示會對嚴防違規異常交易，創業板成功落實不容有失。
有好的新股上市，市況就時，對港股係冲喜，不過今次創業板在內地投資者眼中卻是「凶兆」，從網上散戶調查可見，超過64%人認為利淡，擔心是繼大小非之後，另一個令資金從主板外逃的罪魁。不過，講係咁講，超過45%人話會入飛抽，較看好生物醫藥同新能源概念股，反而IT類公司唔係大家杯茶。
綜合各方反應，暫時跑出係樂普醫療同紅日藥業。樂普夠膽以近60倍PE招股，因佢持有心臟手術「冠脈藥物支架」設計的部份專利，即係「通波仔」手術用嚟撐大血管嘅支架網，以內地每年新增超過100萬冠心病患者來說，市場空間龐大。
深圳創業板開波 藥股大熱
基本因素有番咁上下，吸引投資者熱炒，網上申購資金佔全部創業板招股公司11%，當中以社保基金入飛最狠，喺73個配售對象中佔20席，分到超過92萬股，換言之已成為第一大流通股東；而保險、QFII等基金都有入飛。由於佢係唯一一家國有企業上創業板，控股人實為大型央企及中船重工，社保基金將會從中船手上攞番10%國有股，可以話係國企成功於創業板市場化的先河。
兩隻最受歡迎的都是醫藥股，昨日漲就有5隻漲停。至於香港的藥業股才剛起步，海王英特龍（8329）回調至8月以來升浪調整之一半曙光初現，宜觀察是否短癮之作，畢竟頭半年業績仲係蝕緊千幾萬，抗跌力未必及中國製藥（1093）。
中國製藥的股價走勢，可以話一係唔開車，一開車就令人上唔切車，就算夾硬迫上車都冇乜幸福。10月回調時，股價落過近4蚊價位，係上升後即時後抽反彈，其後反覆向上，10日線已由跌轉升，若後市有成交跟進，可以預早部署等創業板開波。
胡孟青