上禮拜五花旗股市跌回10000樓下，港股嘅ADR表現麻麻，噚日早段港股走勢偏軟，不過恒指好快就收復失地，最後升270點收市。
油價回升，中國石油（857）同中國海洋石油（883）越升越有，佔恒指嘅比重亦水漲船高，相信會係好友推高港股嘅工具之一。
中海油C輪18055：中海油昨收12.42元，升4.1%。股價拾級而上，技術上有機試14.20元，可以諗吓隻C輪18055。
隻輪現價16.7仙，2010年1月25日到期，行使價11.28元，溢價4.2%，引伸波幅40.2%，槓桿率7.4倍（有效5.3倍），正股升上14.20元，18055有機見31.2仙，有超過8成升幅，如果正股跌穿11.90元，就沽咗隻輪止蝕。
俊樺