文詠珊（JaniceMan）成為老闆黎明（Leon）口中的模Art後，得寵指數直逼師姐衞蘭（Janice），Leon公司開拍新戲都安排雙J做女主角。話雖同是女主角，但始終輕重有分，兩女為爭做第一女主角，連累新戲延遲開鏡。日前雙J先後跟導演郭子健見面面試，JM甜笑狂冧導演，衞蘭卻木口木面，看來JM稍勝。
文詠珊上月興高采烈表示即將夥拍衞蘭一同拍電影，但早前出席活動時被追問新戲內容卻突然封口，尤其被問到與衞蘭的對手戲時，JaniceMan更大耍太極越講越離題，據知原來至今她仍未知自己究竟做甚麼角色。新戲由07年憑電影《野．良犬》獲日本「亞洲海洋電影節」GrandPrize的郭子健執導，不過，原定上月開拍的新戲拖至現在仍未開工，據知因為雙J無論角色、戲份一直未傾掂數，導演郭子健大叫救命，故要急召二人會面。
據悉雖然新片一早便落實由雙J擔正做女主角，早於個半月前各演員收到初步劇本，但其間不知何處出錯，致雙J一直在看同一個角色的劇本，直至早前二人返公司對戲才知出錯，因一直未定兩女角色。雖然同是女主角，但始終角色有別，有傳Leon已表明不會插手這場「奪角」戲，以免被指偏心，最終由導演出面解決。
鐵定本月開工
上周JaniceMan和衞蘭被安排和郭子健於大坑某餐廳見面，兩女先後出現，避免同場尷尬。甫到場衞蘭已在餐廳內和郭子健邊食邊傾，木口木面的她不時只顧低頭密密食，大約45分鐘後她由助手接上保母車離開，郭子健則留在餐廳。
約15分鐘後，JaniceMan到場，跟導演見面時言談甚歡，氣氛比和衞蘭時明顯融洽很多，其間JaniceMan更不時露出甜美笑容狂冧導演，看來首回合明顯是她先贏一仗。就爭角一事聯絡郭子健，問到他各自和雙J見面是否因爭角，他說：「唔係，傾偈啫。佢哋冇爭角！」至於雙J的角色，郭子健表示暫不能透露，又聲稱兩人戲份不相伯仲，郭子健又表示新戲必定在今個月內開拍。
採訪：張俊銘
攝影：陳慧安
