香港樓股兩市被大陸資金主宰，早前錯失入市時機者必長嗟短嘆，慨嘆市場遭扭曲，只好默默等候再次入市機會；其實做人幾時都應要有伺機反攻嘅積極心態，今天我也反自己賭波一直抱有理念，捧出閘脫腳嘅英冠包尾隊葉士域治迎屈福特開齋。
唔係次次打逆境波也亂石投林博反攻機會，但唔可以容許自己有被鬱死嘅感覺，博輸一兩鋪唔緊要，至怕鬱鬱而終化身屈原做悲劇人物。曼聯中場硬漢堅尼踢波威風人盡皆知，但踏入中年，領隊運卻一直走低，豪教英超新特蘭被炒；「降呢」到英冠也未停揮金擴軍，但全部賽事計踢了14場未開齋，外表點冷峻心裏一定不好受；難得苦果自嘗，到上周末主場僅迫和史雲斯，賽後反讚球員一直勤操候轉機，做人成熟咗喎。今次周中開快車，小弟要落叠不追旺門球隊，首捧葉軍了。
屈福特射手或缺陣
葉軍持續低潮，主因係人腳變動太多，實需要透過實戰不斷增強默契，上仗對史雲斯已從賽後報告見到下半場有全面反勝機會，態已起；今次再主場出擊，對手為上仗苦戰爆冷作客贏米堡嘅屈福特，機會來矣。據報屈仔射手、從曼聯借來的卡華利上仗入波後受傷，難趕及今場再披甲，如此良機，不捧何待？
（下次見報日：周三）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期二13葉士域治勝（2.05）
星期二7阿爾克馬爾大（1.75）x
星期二11卡迪夫城勝（1.6）2x1
簡評：不喜重心賭英冠，博阿爾克馬爾「大」也不錯