汽車股係今年熱炒板塊之一，其中表現最好股份，當屬吉利汽車（175）及東風集團（489），以52周高低位計，吉利累計升幅達17倍！誰會想到一年前該股低見過0.15元？藉炒股累積財富，睇落其實唔係好難。另一隻東風以52周高低位計，也累升逾6.5倍。
其他汽車股之中，以慶鈴汽車（1122）升勢較落後，近日成交量明顯增大，上周五達1470萬股，股價亦見轉強，相信突破在即，可以追入，短炒目標2元。
慶鈴09年度（12月年結）上半年營業額19.02億元（人民幣．下同），增長5.6%，盈利則增加11.5%至1.03億元；集團生產之中型、重型商用車、皮卡車及多功能用車，均受惠內地汽車銷售政策，故預期該股全年業績應唔會差。
另外，慶鈴坐擁豐厚現金逾58億元，而且又無負債，加上集團與五十鈴夥伴關係一直良好，五十鈴持有慶鈴股權達40%，呢兩點亦係慶鈴賣點。
方星俠