大分三神噚日喺日聯主場憑高松大樹梅開二度,2:1反勝清水心跳,搞到對方返唔到榜首,自己就吊住鹽水,未使降班住。三神家陣29戰得19分繼續包艇,離安全線有成14分距離,餘下5場聯賽要全勝之餘,仲要寄望其他下游隊失分,咁先有機會護級成功,講真難過登天。至於心跳輸波之後排第4,同第3嘅大阪飛腳同得50分,而比1、2位嘅川崎前鋒同鹿島鹿角就分別少兩分同1分。睇嚟今屆日聯都係呢幾隊爭,但前鋒個勢好勁,連贏幾場,所以我求大俠就睇好佢哋可以首次登上冠軍寶座。