【本報訊】兩小時要決定割膽，兩小時要決定割甲狀腺，閣下是否準備好？繼上周刊登的險割膽個案後，本報再接獲類似投訴，有市民因頸痛及淋巴脹大，到聖德肋撒醫院求診，檢查結果指脹大部份屬良性，惟醫生認為情況嚴重，要求病人兩小時內決定是否割除整個甲狀腺，事主另覓醫生，至今無恙，「我咁後生（做了手術）要成世食藥！」
要兩小時內決定
趙先生今年30多歲，兩年前往聖德肋撒醫院求診，由門診部韋醫生診治，超聲波檢查發現其甲狀腺有5毫米突出物，並非惡性腫瘤，以穿刺方式抽取樣本，證實突出物為良性，但韋醫生指情況嚴重，要求病人切除整個甲狀腺，「佢叫我盡快做，講到好嚴重，叫我呢一兩個鐘內覆佢。」家人商量後決定出院，另覓醫生，「點知個醫生話唔係啲乜嘢，唔需要做手術。」趙先生非常不滿，「佢有冇諗過割晒成個甲狀腺對一個人係好大影響？」
有內分泌科專科醫生解釋，報告指事主甲狀腺內鈣化點，相信當時醫生擔心病人患上「乳頭狀硬性瘤」，但他解釋，突出物甚至惡性腫瘤，只要直徑少於1厘米，擴散的機率甚微。他建議看醫生要「貨比三家」，「除咗穿腸、爆血管，冇乜手術係要即刻做決定，呢個case朝早睇完，下晝就做手術係唔得。」
聖德肋撒醫院解釋，韋醫生當時只是建議把病人轉介到外科醫生，再由外科醫生決定是否需要切除右邊甲狀腺，「個手術唔係急切要做，就算手術室都唔可以即時ready啦，可能係有啲誤會。」