美銀同通用電氣嘅業績令市場失望，花旗股市借勢調整，不過跌幅唔算大，道指跌67點，報收9995，花旗股市向上嘅勢頭未變。
港股連續兩日都企唔到喺22000樓上收市，花旗股市上周五回吐，港股今日或會再跌，不過呢個禮拜突破22000應該唔成問題。
富士康C輪18153：富士康（2038）上周五報收6.09元，升0.6%。股價急升兩日稍為整固好正常，股價好落後，又有喺成都投資嘅好消息，呢轉炒上睇8元，可以諗吓隻C輪18153。
隻輪現價19.6仙，2010年9月29日到期，行使價6元，溢價30.7%，引伸波幅82.1%，有效槓桿2.1倍，正股升上8元，18153睇33.5仙，正股跌穿5.50元，就沽咗隻輪止蝕。
俊樺