【本報訊】西環一個露天停車場昨晚發生罕見意外，一名運石油氣貨車司機泊車時忘記拉手掣，落車後卻發現貨車溜後，立即追車開車門欲拉手掣將車煞停，惟貨車緩緩溜後撞向旁邊的運油車，司機被車門夾着重傷，消防員到場用鋼纜拉開貨車將傷者救出，送院後情況危殆。 記者：卓永強
現場為海旁的東邊街北一個露天停車場，停泊着多輛重型車及運石油氣貨車。昨晚6時許，一名46歲姓徐司機，將載有石油氣的5.5噸貨車停泊近海邊一個路面暗斜車位，司機位旁邊為一輛30噸重型運油車，兩車身距離約兩呎。
鋼纜拉開車頭救出
徐泊好車後離開時，發現貨車緩緩向後溜向海邊，雖然海旁有鐵絲網圍欄，但他仍恐貨車撞毀鐵欄墮海，他一時心急上前追車，並打開司機位門欲上車拉手掣，貨車卻瞬即溜後約兩呎撞向運油車車身停下，貨車雖然未有衝落海，但車門卻撞向運油車後關上，他上身被車門夾着受傷，傷者隨即按軚盤上的警號求救。
一名姓關的貨車司機聞響號聲發現徐受傷被夾報警，關憶述受傷司機稱：「（我）就嚟頂唔順！」關聞言即安慰稱；「頂住呀，我報咗警啦。」其後消防員迅速到場，用鋼纜拉開車頭將被困司機救出，他獲救時已陷昏迷，送院搶救後情況危殆。
重型車都要入波檔
香港汽車工業學會會長李耀培表示，5.5噸運石油氣貨車屬商用車，不論是否載貨，職業車司機停車時必須要拉手掣及「入波」。「點解要咁做呢，因為就算拉死個手掣，現時好多車都係用風Break（風煞），咁有機會停車擺得耐時，掣動系統有機會失靈，貯風量一路減少，拉咗手掣之後，都有機會佢（風煞）作用唔夠。」所以商用車，特別是重型車司機，停車拉手掣及熄車後，都要入一個波檔。今次（司機）唔記得拉手掣，如果佢入咗個前波，佢就會用個波檔KICK（卡）住咗佢，架車會溜少少之後咁就唔溜，相反向前斜就要入後波。」