家香港人去台北好方便，到埗交低200蚊台幣（大約50蚊港紙）攞個落地簽證就搞掂，不過如果唔係喺桃園同小港機場入境，就要乖乖哋喺香港申請，台灣外交部上個月底公佈，用教廷外交及公務護照可以免簽證停留90日，用梵蒂岡城國普通護照就可以免簽30日。
喺香港，呢個新措施最大得益者係邊個呢？梵蒂岡國民唔過1,000人，全球樞機又唔過200個，除咗駐台大使之外，邊個去台灣去得最多？冇錯就係香港嘅陳日君樞機喇。陳日君三年前升咗做樞機，可以申請梵蒂岡外交及公務護照，不過陳樞機當時話特區護照都好好用，唔知家會唔會改變主意呢？