我嘅經濟學知識只屬皮毛，當然分析唔到日本經濟點解長期停滯不前；只知道單計日經平均、恒生指數及美國道瓊斯3大指數過去3月比較，前者升幅亦預期之內跑輸另外兩個指數，更高達一倍以上。不過日本足球水平似乎越走越勁，不斷帶挈波友，今天我也希望分一杯羮，捧日乙一哥大阪櫻花大炒FC愛媛。
香川真司唞夠出擊
日本國家隊在02年主場歷史性打入世盃決賽周16強嘅陣容計，小弟認為現時球隊星味未必及當時中田英壽嗰一隊；但論兵源、平均及國際賽經驗，現役嗰隊可能係最強，更不斷有國腳站穩歐洲各地聯賽，同南韓一樣，經歷02年世界盃高潮後嘅低潮，正以W型反彈向另一高峰，相信若在明年南非決賽周抽到好籤，兩國入到16強並唔係奢望。日本喺近半年友賽表現更為勇猛，當大家不認真對待這類賽事，佢哋對上兩場連炒蘇格蘭同多哥，成賭友甜心。
除擁外流兵同日聯前列球隊嘅猛將外，國家隊內嘅日乙大阪櫻花射手香川真司亦甚有瞄頭，今屆已入25球；傷勢痊癒兼未有入選對上兩輪國際賽令佢有唞夠機會，就算隊內次席射手乾貴士停賽，但以他們喺日乙超班實力，面對尾4嘅FC愛媛，大炒機會甚濃，捧[-1]才有肉食，波膽過關，串荷甲飛燕諾啦！
（下次見報日：周二）
leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日11大阪櫻花勝[-1](1.95)
星期日11大阪櫻花勝3:0(8.5),4:1(18)x
星期日33飛燕諾勝3:2(20),4:2(34)2x3
簡評：呢條2串3波膽，我點都會支持80蚊