30歲的關心妍（Jade）將於本月底嫁給35歲金融才俊楊長智，二人豪擲300萬在峇里島舉行豪華婚禮。由於婚期逐漸逼近，準楊太近日四圍頻撲籌備婚禮，前日她到灣仔攞完晚裝後，再到百貨公司買羽絨被，明日便出發到峇里視察婚禮場地。
上月順利完成正生書院籌款騷後，關心妍即着手籌備本月底與男友楊長智的甜蜜婚禮。Jade前晚6時許，由助手陪同往灣仔駱克道一大廈取晚裝，她將晚裝放上七人車後，再與助手步往銅鑼灣崇光百貨公司購物，其間一位在街上派傳單的工作人員一見Jade即熱情上前恭喜她。
「喺海灘行禮」
之後Jade往崇光9樓為愛巢添置家庭用品，她對水晶及蠟燭座等擺設頗感興趣，不時拿上手研究一番。睇完擺設後，Jade再往揀選羽絨被，但因為沒有現貨，她惟有先行落訂。其後她又睇壓力煲、高速煲和電飯煲，前後逗留半小時便乘七人車離開。
日前記者致電Jade，問她籌備婚禮的進度，她說：「星期一（即明日）我哋會先去峇里視察環境，婚禮會喺今個月24號或者30號喺海灘舉行，如果落雨就轉室內。婚禮係基督教儀式，之前嗰晚會上頭同着紅色睡衣。」
印尼早前發生地震，問Jade可曾想過轉地方，她說：「成個亞洲都有揀過，菲律賓我又驚政變，泰國又驚騷動，陽光海灘仲有邊度？到我想轉已經冇得轉，因為啲機票已經book到我哋黐線，如果地方再改，真係搞唔到咁多。」
自備美酒慳錢
Jade續說：「本身都想揀日本，但都係驚地震，早知喺香港啦，懶係特別咁，真係難搞。花都喺嗰邊搞，淨係攞自己啲衫同酒，因為嗰邊啲酒貴成四倍。」問到婚禮有沒有主題時，Jade說：「冇o架，自然環境已經好靚。」
採訪、攝影：黃文偉、朱志聰
