郭富城、熊黛林（Lynn）和王秀琳（Mango）的三角關係鬧至滿城風雨，但日前Lynn高調到泰國和城城過生日後，以勝利者姿態回港。前晚Lynn一身桃紅打扮出席活動，提到城城時表現得甜絲絲，但講到Mango即變臉，提高聲調表示不認識她，表現不屑。
著名男士服裝品牌ErmenegildoZegna的專門店前晚在尖沙嘴舉行慶祝酒會，邀請城中名人出席，包括黎明、古巨基、黃耀明、任達華、琦琦及LisaS.等，星光熠熠。早前高調到泰國和男友郭富城過生日的熊黛林以一身桃紅背心裙出現，表現風騷。
「我冇興趣知」
有指城城花了兩萬元包Lynn到泰國又食又玩過生日，前晚她笑笑口說：「邊度聽返嚟？唔好聽唔好信。」至於生日行程是否由城城安排？Lynn表示一切皆由她安排，她早已計劃好，Lynn稱因自己未有看過報道，故此不會刻意澄清，她又表示未有準備禮物送給本月26日生日的城城。
當提到情敵王秀琳也表示打算和城城慶祝，Lynn即時黑面並提高聲線說：「我想講清楚我唔識佢，佢嘅事我冇興趣知，唔該晒。」是否擔心貶低自己？Lynn再說：「我唔想再嘥時間喺無謂事度，只係想做自己嘢。」她透露近日不時shopping，是否因城城給了家用？Lynn聞言表示一向只用自己的錢，至於會否陪城城過生日，Lynn笑說：「你哋都知佢拍緊戲，我唔想去現場打擾佢。」
黎明愛貓火化
另外，黎明的愛貓BaBa日前因急病過身，他表示已安排火化，他說：「屋企由5變4，我會帶其他貓去檢查。」記者提議生仔便可回復5位成員，Leon坦言人仔不可和動物相提並論。有傳老婆樂基兒因BaBa過身而狂哭，黎明表示：「佢唔喺香港，我冇聽到佢喊。」
另外，對於未能憑《梅蘭芳》角逐金馬影帝，黎明說：「我相信我呢啲性格演員只係享受個過程，對導演、投資者同觀眾已經有交代，有提名係際遇，冇就冇呢個緣份。」
採訪：魯萍
攝影：林德雄
