被譽為近代最偉大嘅馬匹，3歲仔「海都之星」將轉任種馬，練馬師解釋隻馬近半年多密密跑贏咗6場世界一級賽都未停過，認真辛苦，係時候畀佢唞唞。吓？馬匹天生用嚟跑，隻馬仲未踏入競賽黃金期就要拎去打種，以呢位小朋友嘅名氣，肯定要催谷佢年年同約過百隻頂級雌馬交配。少年香港馬主就肯定狂收配種費，但對比喺綠茵場上受馬迷歡呼擁戴，隻馬邊樣嘢會享受多啲，就不得而知咯。
密密賭，運滯起嚟都幾傷，死黨T話近期賭馬輸到包頭已經唔係誇張嘅形容詞；波完咗國際賽，又會開行摩打係咁打，今次貼英冠普雷斯頓作客昆士柏流浪不敗，落得喺英冠角逐，下場都係密密砌，冇得揀。
蘋果波神
近5場往績：LWLDD
讓球主客和：普雷斯頓勝[+1]
心得：昆軍讓唔起