煲呔日前同泛民玩文字遊戲，挑剔抗議口號應該加S字，噚日佢接受香港電台第三台英文節目Backchat訪問，面對兩個真正洋人，一開咪就咗。
節目一開始，主持人HughChiverton就抽秤煲呔，指施政報告多談經濟問題，卻冇乜着墨貧窮問題；煲呔未聽完問題就反駁，話有唔少篇幅講物業市道，因為喺佢寫施政報告期間，物業市場變化好大，所以花啲篇幅討論。
煲呔牛頭唔搭馬嘴，主持人勁頭，重申係講貧窮poverty，煲呔恍然大悟，原來佢誤以為問佢property物業問題，話因為呢幾日好多人問佢property嘅事，所以佢聽錯咗。見微知著，煲呔關注property多過poverty，漠視窮人冇鬧錯佢。煲呔喺英文台出洋相有前科，兩年前亂噏「文革係極端民主論」，又係衰喺HughChiverton呢個節目度。