謝天華被傳搭上奀星王璐瑤後，太太Tina入院，其後兩公婆到馬爾代夫旅行，力證感情不變。前晚，天華又同Tina到跑馬地漫步街頭晒恩愛。前晚7點半，佢兩個離開跑馬地街市後，行到附近嘅寵物店，其間寵物店店主同天華講：「唔使咁緊張，遲啲先計啦。」當佢哋步出寵物店冇幾耐，店主就攞包狗零食追上前交畀天華，睇嚟天華同店主幾熟絡喎。