看到楊生戰戰兢兢喺記者會用英語講出鴻圖大計，也難掩佢從收購香港上市公司，到金融海嘯幾乎夢碎、到向股東成功抽水集資，到正式上任英超中部大城市伯明翰球會主席嘅興奮；奇妙程度有如港產經典電影《食神》內嘅史堤芬周想將瀨尿牛丸上市一樣。小弟昨晨看到新聞片也一陣熱血湧上心頭，畢竟也是港人驕傲；但英超呢個銷金窩唔係講玩，以佢哋嘅鄰會維拉聘得名帥奧尼爾多年借鑑，斥資以億鎊計擴軍也難佔歐聯一席位，今天主場對車路士，看來難逃一敗。
兵厚勢壓維拉
英超班主夢，唔係玩泥沙，世上冇幾個阿巴嘅豪氣，車仔年年大蝕、年年換管理層也面不改容；剛又與球會二線兵阿歷士洛里高同沙洛文卡勞續長約，其他一線兵艾殊利高爾及祖高爾也獲天價續約，後兩者份新約加埋已經可以係一間英超小球會全季嘅班費。「羅馬非一天建成」，慳家如阿仙奴，做到年獲逾億鎊門券收益，三、四千萬鎊盈餘，呢份靚業績算唔算成功？實情兵工廠自05年已未獲一項錦標。
國際賽後英超列強軍情未明，兵厚車仔作客維拉，一定唔會蝕底；反而維拉不少主力在國際賽打硬仗，車仔單W應穩，冷敲博小勝串射利記小勝，紅軍作客新特蘭，有賠率可博。（下次見報日：下周日）
leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六20車路士勝（1.72）
星期六20阿士東維拉和[+1]（3.5）x星期六33新特蘭和[+1]（3.55）2x3
簡評：國際賽後首戰保守啲好