近排追緊3色台齣重播劇《律政新人王II》。男主角馬國明喺《新五虎》之中，係最遲紅嗰個。我聽過唔少人批評佢年紀大兼唔夠其餘四虎咁靚仔，同埋太過平民化冇星味，但我覺得佢其實都幾型，而且，至少佢唔會刻意扮靚仔，亦唔會講埋啲用廣東話拼出嚟嘅英文。更何況，做電視唔同做電影或者唱歌，至緊要係入到屋，所以我身邊唔少朋友都好喜歡佢。
言歸正傳，利華古遜今季喺德甲咁好成績，防守中場路菲斯踢起嚟，雖然唔夠前鋒傑斯寧同埋戴迪約克咁搶鏡，不過佢做好防務工作之餘，又有入波能力，故此真係應記一功。今晚作客冇咗兩大射手柏歷同埋荷西古里路嘅漢堡，信利華可以攞到分。
青蛙仔
近5場往績：WDWWW
讓球主客和：利華古遜勝[+1]
心得：漢堡冇咗兩把尖刀