上月盟主
小弟擂台表現近期甚頹，好彩本欄尚有進賬，包括上周世盃外貼中美國就有啲運；今周就揀臨近煞科嘅瑞超，貼榜首嘅AIK蘇納主場大炒加費萊，保持領先優勢。
蘇納爭標必盡數
瑞超連埋今周尚餘4周，AIK以1分領先哥登堡，3、4位嘅艾夫斯堡、卡爾馬就相對爭標希望渺茫；AIK只要連贏餘下4場比賽亦肯定封王，睇番賽程，AIK對手好似今周主場對加費萊，之後對哈馬比同奧雷布洛，都唔算強，不過煞科戰就要作客對哥登堡，即係話AIK頭3場唔可以失，唔係作客哥登堡就好難踢；而且睇埋得失球差，AIK家落後哥登堡成13球，對住弱旅定必有咁多數咁多。
香港就有隊樂隊叫「Soler」，由一對孖生兄弟邊唱邊彈結他；AIK蘇納亦有一對南美孖寶支撐，就係阿根廷中場奧波路，同巴西前鋒法維奧，兩人合力攻入12個入球，而且瑞典翼鋒佐迪積停賽復出，英格蘭中場柏夫亦傷癒，主隊中前場陣容可謂十分完整。
暫列第10嘅加費萊，上仗擊敗咸史達斯後，基本上已經護級成功；呢班波作客認真差，已經連輸3仗兼失7球，論戰意亦不足，呢場都預咗畀AIK大炒。
風暴和開有條癮
今日繼續推介另一場二線波，澳職北昆士蘭風暴主場對威靈頓鳳凰，風暴雖然被視為今季澳職魚腩，不過近期表現好番好多，近4仗都有3場和波攞1分，威靈頓鳳凰有超過一半主力，之前幫新西蘭踢世界盃附加賽對巴林，首回合仲迫和0:0，近期眾隊員個心都喺世界盃度，博風暴和多一場，波膽再追1:1。
牽牛
近5場往績：WLWDW