官恩娜（Ella）前晚到銅鑼灣出席萬聖節活動，穿上一身公主服的Ella即場以蠟倒模做了一隻手，她搞笑拿起假手扮恐怖樣，她笑言會將假手送給男友，以慰對方的相思之苦。
Ella坦言近日因為工作忙碌，所以與男友甚少見面，她說：「佢冇投訴，佢好諒解，自己家有事業心，年紀都唔細，自己要好好把握機會，最近每次見男友都係得一兩個鐘，所以送隻手畀佢，等佢掛住我時，可以拖住、摸吓隻手囉。」
失聲唔求男友
Ella昨日與莊思敏、KeeClub太子女龍殿兒到九龍灣出席BodyShop以「愛」為主題的香水活動，Ella提到因連日趕拍港台新劇而失聲，問他可有向醫生男友求助，她說：「佢係圈外人，希望保護番佢，聲帶有事應該睇番專科醫生。」
採訪、攝影：胡比、藍文浩