楊愛瑾（Miki）轉會及傅穎（Theresa）解約；金牌卻繼續為另一餅女Kary（吳雨霏）出碟，甚至是衝出香港市場的國語碟。是公司對她有信心，也應該是際遇。風雨飄搖的9月，在金牌舊辦公室附近的餐廳，Kary說：「我初初出道啲人都話我唔得，但係我到家仲喺度，我唔會理，做好自己先啦。」
由Cookies的9大行星到MiniCookies的4權分立，再到今時今日Miki（楊愛瑾）早已轉會、Theresa（傅穎）主動求去，剩下的只有Kary和Stephy（鄧麗欣）。Kary在9餅時期起步非最突出，至今發展似乎卻是最平穩的一個。
開心最緊要
早前唱片公司負面新聞像海嘯，她卻平靜地說：「之前係好多新聞同埋調動，但係公司畀咗信心我，家出碟又會返內地宣傳，又計劃緊國語碟。雖然公司係咁，但係小朋友唔理咁多大人嘅事喇。」
一同長大的隊友一個一個離去，Kary說：「其實都開心有唔同嘅新方向，最緊要佢哋覺得舒服同開心。」Kary也坦言有擔心過，卻處之泰然說：「冇諗過，一路都好多呢啲講法o架啦，我初初出道啲人都話我唔得啦，但係我到家仲喺度，唔理喇，做好自己先啦。其實一間公司離離去去都好正常，唔係咁大件事，最緊要係開心啫。」
新碟命名為《KeepBreathing》，是巧合？是諷刺？Kary不只仍能繼續呼吸，工作還接踵而來，稍後更會以國語歌進軍內地，她說：「要好好咁去裝備自己，內地咁大個市場，會放膽去嘗試，希望可以做多啲live表演，因為內地接受度好大。」內地市場大，同樣亦卧虎藏龍，競爭比香港大得多，她說：「都冇話邊個係假想敵，應該良性競爭。內地歌手都有唔同優點，希望可以好似莫文蔚咁，喺兩岸都有好成績。」
採訪：藍文浩
攝影：陳志嵐、彭琮然
場地：CafeMarco（MarcoPoloHongKongHotel）
髮型：VincePang（ILColpoTST）
服裝：SomethingElse