鄧麗欣（Stephy）昨日度過26歲生日，前晚她舉行私人生日派對。成為公司一姐兼踢走死敵傅穎（Theresa），難怪壽星女心情靚絕，緋聞男友方力申更以黑色情侶裝陪伴左右，又送上抱抱賀壽，令她冧爆。
昨日是鄧麗欣的26歲生日，生日前夕她在尖沙嘴舉行私人生日派對，一眾公司藝人如吳雨霏（Kary）、小肥，前餅碎Angela及其他同事先後到場，一身黑色打扮的Stephy和助手坐的士到場，不夠10分鐘，同樣是黑look的緋聞男友方力申也到場，至於鄭中基和高層陳輝虹則有工作在身未能出席。
盼遠離是非
Stephy在門外接受訪問，她表示生日願望是想身體健康及遠離是非，問到是否踢走死敵傅穎名正言順做公司一姐而開生日party？Stephy笑說：「唔係，以往都有搞，原本去年話25歲之後唔再搞party，但朋友好有心幫我搞。」至於有否請Theresa，Stephy表示因請賓客不是由她負責，故不清楚，但她坦言因Theresa一向不喜歡嘈吵以及又煙又酒的地方，故此往年她也沒有出席。
提到Stephy在blog上講「貪」，因此令人聯想她在暗寸Theresa，她解釋：「係大家誤會，我只係講緊一本書，絕對唔關任何人事。」記者笑稱今次生日會是人緣大測試，Stephy直言感到壓力。
Kary拒提續約
訪問途中小方到達，記者要求兩人合照，起初小方拒絕，但最後都答允和Stephy合照，而且更作狀雙手抱抱，雖然只是擺甫士但Stephy表現冧爆。問小方是否以男主人身份出現？他聞言即說：「唔係，我只係有份夾錢。」至於和Stephy一同慶祝了多少年？小方聲稱不記得，在旁的Stephy則心水清說：「好似有3年。」記者即笑言祝賀兩人拍拖3年，小方即表示：「嘩，咁樣太夾硬。」
有傳Kary意興闌珊欲離開金牌大風，她說：「呢方面我唔想講太多，公司冇催我續約，大家都好有誠意。」有指因伯樂黃柏高失勢，故才令Kary有意離開，對此她否認有其事。Kary昨日到商台接受訪問，她表示前晚生日會有和Stephy飲酒，但因壽星女是千杯不醉，故此未有露出醉態。
Theresa玩水晶
至於近期捲入合約糾紛的Theresa，早前暫時放下煩惱，到陳文媛的CrystalJam玩水晶gemming，炮製日本妹最愛的閃閃首飾玩意。她試玩新的仿忌廉技術，如製作甜品般在小鏡盒面唧忌廉，Theresa說：「其實我一直都好鍾意gemming鑲嵌藝術，因為佢嘅創作空間很大，可以隨意造出自己喜歡嘅嘢。唧忌廉嘅像真度好高，令我有衝動大咬一口。」
採訪：王連連
攝影：葉君海、陳志嵐
