現年44歲的劉美君經歷過兩段失敗婚姻，最近承認交上新男友，感情生活愉快。已很久沒推出唱片的她，下周四（22日）將推出新碟《QueenofHardships荊棘皇后》，她表示新歌《雪泥》的靈感來自滑雪。
床單當裙
劉美君說：「嗰次我冇理大風雪，結果撞雪山受傷收場。好勝嘅我得到好大領悟，冇人係永遠贏家。林夕用一對陪我攀山越嶺嘅雪橇做比喻，完全寫出我嘅想法。」另一填詞人好友周禮茂則替劉美君寫了一曲《BabyYou'reTheOne》，送給她的現任男友。
日前劉美君拍攝新歌《雪泥》MV，她捨棄靚衫，僅用床單披住自己，她說：「原先預備嘅靚裙同隻歌意境唔襯，所以我就叫工作人員買張床單畀我綁住當長裙，個感覺又自然，搽爛泥時又唔使就住就住。我又用樹枝整咗個后冠，化埋個蝙蝠眼妝㖭。」
撰文：林妃