宣萱開工四圍偷拍

宣萱開工四圍偷拍

宣萱和溫家恒日前在尖沙嘴為無綫新劇《刑警》拍攝外景,劇中宣萱飾演雜誌社編輯,經常帶着小記溫家恒四出找尋新聞真相,舉起相機偷拍時七情上面,與現實被追訪情況相似,宣萱說:「親身體驗記者生活,唔係好舒服,因為自己都唔鍾意俾人偷影,好彩係做戲啫。」宣萱直言4年沒有拍過如此舒服的電視劇,她說:「好多年冇試過拍劇咁舒服,之後啲戲會轉移到感情線,都係文戲多,唔使四圍走,可以休息吓。」

溫家恒做助手

溫家恒則繼《溏心風暴之家好月圓》後再次拍劇,今次飾演宣萱助手,兩人一起的戲份頗多,他漸漸開始習慣,但要對着前輩宣萱,所以會熟讀劇本,他說:「暫時未有壓力,幸好開工短短日子仲未遇到經常NG。」
採訪、攝影:卓寶花

溫家恒(左)面對着前輩宣萱,表示會熟讀劇本。