周三世盃外，戰果果然並不正路，強隊[-2]、[-3]嘅盤口，逾9成開唔到「主勝」、「客勝」；偏偏在分組賽長累捧場客嘅葡萄牙，成唯一一支[-3]都開到「主勝」嘅強隊。
再睇像羅馬尼亞與斯洛文尼亞，[-2]、[-3]齊開「和局」；希臘及巴西更加唔使提，輸死人冇命賠。想吼烏克蘭「客其他」，也只有4.8倍回報；反而保加利亞6:2贏格魯吉亞最意外，貝碧托夫竟然半粒鐘就連中三元，呢個「主其他」有28倍，算係好分。
兩輪國際賽終於完結，周六西甲焦點，當然落在巴塞隆拿作客對華倫西亞身上，喺本欄先同大家預示軍情。韋拿雖然因傷錯過兩場世盃外，但據軍醫所講，呢位華倫射手唔排除可趕及周六上陣，只係教練艾馬利唔想咁博，以免韋拿一傷再傷。照咁睇，韋拿料與馬真拿、祖亞昆等人避戰。
料羅賓奴1月變巴塞兵
其實，以今時今日嘅巴塞，喺國內就算要作客，睇死足智彩都會開[-1]，我估計對住華倫都不能避免。巴塞前鋒亨利雖則國際賽後有微傷，但沙維證實可傷癒復出，呢個客W仍然好穩陣。
題外話，近期西班牙報章不斷報道，羅賓奴本人極想離開曼城加盟巴塞，我信1月轉會市場重開時，這名巴西兵將是巴塞一員。
畢傑
本報名家
電郵：mailto:[email protected]
逢周二、五見報