夠Car事：出SUV十幾萬買頂級

SUV相信係七人車之外接放學嘅另一熱選，夠高大硬淨，有安全感，高視點易睇位又啱晒技術未必高超嘅媽咪級。雖則唔少SUV性能強悍，不過如果佢嘅責任只係管接管送，花錢買返嚟嘅嘢可能無用武之地！出部易手SUV，原來十幾萬都可以買到頂級之選。

文、攝：米高　
Model：Fion

搵前先諗諗……
爬山功能無必要

香港嘅SUV都係懷才不遇，尤其貴價那一群。本可攀山涉水四驅縱橫泥地水氹，卻變成主打買餸接放學去蒲，越野性能，電子升降避震等其實可以慳得就慳。正因為香港嘅SUV不爬山，所以勞損暗病一定唔多，買易手車亦更放心。

■沒電子升降懸掛嘅SUV
都有行程長嘅避震。

■後備輪胎要否置於尾廂內，亦要留意。

最流行係上下開尾

大昌易手車部經理Lawrence話：「香港人用SUV最關注豪華程度、尾門方唔方便及載物量。」SUV尾門分向上打開、側開或上下分別開。向上開慳位，側開方便矮細車主，上下開更方便存取物件，現今最流行係上下打開式設計。

■Lawrence

當年最強今日超抵
00MercedesBenzML55AMG

諗清楚自己嘅需要，就係時候揀車啦，介紹嘅呢幾部SUV，不論歐、日出品，都係原裝齋版，無唔等使Option，更顯實而不華。
2000年這輛ML55AMG版推出時，可算是最頂級最豪華SUV，當年車價過$800,000，唔少明星都爭住訂，現在十多萬買到，遲9年達成心願都唔算遲啩。AMG為ML55裝上全新鬼面罩、18吋跑車胎軨，都令這部ML55更靚仔。車廂內錶板有賽車味，真皮座椅有電動有記憶功能，當年來說已相當豪華。而一台5.5公升V8引擎，最高輸出347匹馬力同52.0kgm扭力，0-100km/h加速只需6.9秒，極速可達222km/h，恒時四驅性能亦不俗。外表硬朗，性能好，仲有SUV最需要具備嘅安全感，雖然已9年車，但只行5萬幾km，內外都好新淨。強勁嘅引擎除咗行街接放學，應該可以滿足更高嘅駕駛要求，不過應該有一定食量，要有心理準備。