今季野心頗大嘅「黑貓」新特蘭，季初表現對辦，周六主場對住飄忽兼傷兵唔少嘅利物浦，有力與對手周旋；穩陣嘅梗係先揀「主勝」，貪心嘅可要埋主W，兩瓣賠率或臨場轉熱，宜早買。
通常經過兩場國際賽後，之前聯賽嘅走勢本應可以不理，畢竟隔咗成兩個禮拜，踢唔踢得番個form，實在要重新評估。按慣例重開嘅聯賽，要先強隊有幾位國腳踢完國際賽，佢哋夾完國家隊隊友，轉頭又夾番球會隊友，要立即贏波本身已難，何況仲有體力消耗一環要研究。
好似利物浦咁國腳眾多，謝拉特、費蘭度托利斯、古積特、尼亞拿及禾路連等兩邊飛，前3位仲話有傷在身，其實幾危；兩名南美兵馬斯真蘭奴同盧卡斯又係，就算趕得切返嚟，都唔信會踢得出10成狀態。主隊新特蘭就唔同，國腳相對較少，主場又已4連勝；國際賽前作客曼聯仲差啲贏埋，暫時唔似係虛火。1.9倍「主勝」幾抵買，3.9倍單W又係值得一試。
「喜鵲」讓唔起森林
另一場早飛推介英冠，諾定咸森林主場受讓紐卡素平/半，料至少有半格落袋，揀下盤。「喜鵲」近兩場主場都和波，明顯走勢回落，唔係打過英超降落英冠，就代表場場贏到。先唔計紐記有史提芬泰萊同希活等仲有傷喺身，日前班主艾殊利先講過，話唔會開張大銀碼支票畀暫代領隊曉頓買人，周六作客要讓波？咪玩啦。
畢傑
全日重心
混合過關：星期六33新特蘭勝[+1]（1.9）x星期六65諾定咸森林（下）2x1
主客和過關：星期六33新特蘭勝（3.9）x
星期六65諾定咸森林和（3.15）2x3