賈曉晨（JJ）日前接受網上雜誌men1000.com訪問大談愛情觀，她稱初入行時曾與圈中人拍拖，但只維持了很短時間，她說：「同香港娛樂圈嘅男仔拍拖，覺得你咁花心都得嘅？所以接受唔到。」但她拒絕透露男星的身份。
有富豪示愛
問JJ有否想過釣金龜？她直說：「做呢行有虛榮心，想搵個有錢人，我唔想呃人。我希望個男仔經濟好啲，我唔使咁大壓力，但有錢嘅男仔通常好多女仔鍾意，唔使追已經有好多人自動送上門，我又唔希望佢太花心，所以好矛盾。」她承認有富豪示愛，可惜神女無心。
JJ在訪問中又接受心理測試，結果測出其戀愛態度激進，她笑說：「都係o架，希望大家結婚到永遠，老咗一齊死。」
撰文：丁寧