現年33歲嘅側田每次見人都帽不離頭，目的係誓保其地中海髮型唔會曝光，日前本報獲得一張側田嘅證件相，相中嘅佢除咗帽，令其神秘頭殼終極曝光，M字額及高額角清晰現形。
自從側田同好兄弟曹格喺街頭格鬥，曹格被捕，側田遲啲可能要除帽上庭，所以有傳佢已經剃光頭。其實早喺上月尾由新城電台舉行嘅「18巨星匯聚慈善音樂會」，有份擔任表演嘉賓嘅側田當晚雖然戴住帽，事實上佢已經剃咗頭o架啦！
畀頭皮唞吓氣
據可靠消息透露，後日舉行嘅澳門小姐競選，側田會擔任表演嘉賓，到時佢仲會放低入行4年嚟嘅心理包袱，除帽以真面目見人，相信到時一定會引嚟好多迴響。
其實睇過側田之前嘅證件相，佢都只係M字額，既然除帽嘅真面目都已經曝咗光，加上佢家已經剃光頭，以後佢唔使大熱天時都戴住頂帽咁辛苦啦，得閒畀啲頭皮唞吓氣，分分鐘啲頭髮生長速度會快啲㖭！
