何超儀噚日喺尖沙嘴出席「第38屆香港藝術節」記者會，藝術節喺明年2月25號開始，一連32日有唔同節目，其中一個就係超儀同謝君豪合演嘅舞台劇《情迷紫釵》，超儀話為咗演呢齣劇推咗兩部電影，仲話好想爸爸何鴻燊到時可以嚟睇，雖然佢話未知阿爸幾時出院，但就叫記者等下個月阿爸生日時，可以同賭王切蛋糕慶祝。